Најголемата ѕвезда на Ливерпул, Мохамед Салах е прогласен за најдпбар играч во Премиер лигата во изборот на ПФА (Професионалната фудбалска асоцијација). Оваа награда се смета за најрелевантна затоа што во гласањето за најдобар учествуваат самите фудбалери.
На свеченост во Манчестер, Салах го прими признанието и испиша историја, затоа што е првиот фудбалер кој успеал три пати да ја добие оваа награда (беше најдобар и во 2018 и 2022 година).
This very special award hits different when we have an important trophy to go along with it. Being champions is what matters and we will fight to do it again this season. I am incredible grateful to the players who voted for me. pic.twitter.com/L9nkm4ltMr
— Mohamed Salah (@MoSalah) August 20, 2025
Конкуренција на Салах му беа Алекс Мекалистер, Александер Исак, Делкан Рајс, Кол Палмер и Бруно Фернандеш. Салах во минатата сезона одигра 52 меча за Ливерпул во кои постигна 32 голови, а имаше и дури 23 асистенции.
За најдобар млад фудбалер беше избран Морган Роџерс од Астон вила, кој победи во конкуренција на Лиам Делап, Дан Хујсен, Милош Керкез и Итан Нванери.
