Најдобриот африкански фудбалер, Мохамед Салах, е најдобриот играч и во англиската Премиерлига, а тој се издвојува од колегите кои шутираат со лева нога, и по уште една статистичка категорија.
Од последните 10 изведени пенали во Премиерлигата шутнати со лева нога, утнати се дури 6, а во гол биле претворени четири. Сите четири погодоци се дело на Египќанецот кој вчера со шут од 11 метри му донесе минимална победа на лидерот Ливерпул на гостувањето кај Брајтон.
Малерот на пеналџиите левучари засега Салах успешно го избегнува. На листата на фудбалери кои шутнале пенал со лева нога и не ја затресле мрежата, се Ријад Марез од Манчестер сити, Абубакар Камара од Фулам, Џо Ролс од Кардиф сити, Кенеди од Њукасл и Џердан Шаќири кој сега е во Ливерпул, а во минатата сезона кога го утна пеналот, играше за Стоук.
