Изминатиот викенд Баерн Минхен беше поразен на гостински терен од Баер Леверкузен со 2-1. Тоа значеше дека Баерн ѝ ја отстапи лидерската позиција на Борусија Дортмунд, ситуација на која воопшто не се навикнати во клубот од Баварија.
Многу критики можеа да се прочитаат во германските медиуми за играта на фудбалерите на Баерн, но остра реакција пристигна и од спортскиот директор на Баварците, Хасан Салихамиџиќ. Тој за германските медиуми го критикуваше тимот дека не може секој натпревар да се добива со индивидуален квалитет на поединецот, туку сите мора да играат како екипа и да победуваат. Доколку Баерн Минхен сака да продолжи да се бори за трофеите на сите фронтови, ќе мора најпрво играчите да го променат менталниот склоп, а потоа и да играат на препознатливото ниво, дополни Салиџамиџиќ.
Salihamidžić: "This is not what FC Bayern is all about. There was so little drive, mentality, duels. This team is so good when the mentality is there right from the start, but just as bad when they don't show mentality and think they can do everything just with their quality."
— Bayern & Germany (@iMiaSanMia) March 19, 2023
