Валид Азаро заработи два меча суспензија од Конфедерацијата на африканскиот фудбал (CAF) за невообичаен гест. Мароканецот игра за египетскиот гигант Ал Ахли, а беше фатен на камера како сам си го кине дресот на дуелот со Есперанса од Тунис.
Мечот заврши со победа на Ал Ахли од 3-1, но поради казната, ќе игра без Мароканецот во реваншот од финалето на aфриканската Лига на шампиони.
Раководството на Ал Ахли преку Eгипетскиот фудбалски сојуз се жалеше на висината на суспензијата за Азаро, но до петок, за кога е закажан реваншот во Тунис, нема време за помилување, па Валид сигурно нема да игра.
