Пелистер и Вардар вечерва под рефлекторите во Битола одиграа 0-0 во прволигашкото фудбалско дерби, исход од кој двата тима се подеднакво (не)задоволни. Вардар својата најубава шанса ја имаше во 95-та минута, а пелистерци дадоа гол, но од офсајд позиција.
На битолчани победата им требаше за полесно да дишат во борбата за опстанок, додека вардарци се борат за титула, Шкендија им дише во врат. Сега Вардар кој во следното коло игра со соседот Работнички кој е загрозен од директно испаѓање, има само еден бод повеќе од тетовци.
