Ќе биде вистинско чудо доколку Пелистер успее да обезбеди опстанок во Првата македонска фудбалска лига.
Екипата од Битола, останува „закована“ на дното со само четири бода и по денешниот пораз од Македонија ЃП со 2:0, во рамките на 12. коло од најсилното фудбалско друштво.
Иако сезоната е долга, сепак Пелистер е единствената екипа досега без триумф.
Гостите со головите на Сефер Емини во 21. и Кристијан Филиповски во 37. минута го решија прашањето околу победникот, и со тоа дојдоа до три драгоцени бода.
Сега, тимот од Ѓорче Петров има 14, и се наоѓа на деветтата позиција, која носи плеј-аут натпревар.
РЕЗУЛТАТИ ПМФЛ:
Борец – Работнички 0:1
Скопје – Ренова 0:0
Шкендија – Тиквеш 1:1
Струга – Академија Пандев 0:0
Пелистер – Македонија ЃП 0:2
