Барселона по 15 години пауза вечерва (21 часот) ќе гостува кај новакот Кадис во рамките на 12-тото коло во Ла Лига. Каталонците последен пат на стадионот „Рамон де Каранса“ се појавија на 17 декември 2005 година, тогаш тимот на Рајкард славеше со 3-1 со головите на Ето(2) и Жили.
Од таа генерација, само еден фудбалер се задржа во редовите на каталонскиот гигант. Секако, се работи за капитенот Лионел Меси, кој пред 15 години се пробиваше во првиот тим, па сега стигна да биде прогласен за најдобар во историјата на клубот, веројатно и воопшто во фудбалот.
Составот на Френк Рајкард се состоеше од Валдес, Ван Бронхорст, Пујол, Макрес, Олегер, Едмилсон, Деко, Иниеста, Жили, Меси и Ето, додека од клупата за резерви влегоа Ларсон, Мота и Езгеро.
