Манчестер сити и Ливерпул доминираат со играчи во дрим-тимот на Премиер лигата во избор на фудбалерите што играат во англиското првенство.
Пол Погба го претставува остатокот од 18 екипи во Премиер лигата и тој е единствениот што е во идеалниот тим, а не е фудбалер на Сити или Ливерпул.
Најдобар голман во изборот на премиерлигашките играчи и Едерсон од Манчестер сити, а бековските позиции се за дуото на Ливерпул, Александер Арнолд и Робертсон.
Најдобриот играч на годината Вирџил ван Дајк и Емерик Лапорт се стопери, а во средниот ред доминира Манчестер сити со Фернандињо и Бернардо Силва. Со нив во формацијата 4-3-3 е и Пол Погба од Манчестер јунајтед.
Во офанзивниот дел се Рахим Стерлинг и Кун Агуеро од Сити и напаѓачот на Ливерпул Садио Мане.
