Поранешниот селекторот на Аргентина, Хорхе Сампаоли, би можело повторно да седне на клупа на една селекција. Имено, Кина за него подготви двегодишен договор, според кој ќе заработи 34 милиони евра, а условот е пласман на следниот Мундијал кој ќе се одржи во Катар 2022 година.
Репрезентацијата на Кина ќе остане без селектор по завршувањето на Купот на Азија (од 5-ти јануари до 1-ви февруари), по тоа натпреварување Марчело Липи ќе отстапи од своето место, па Кинезите очекуваат Сампаоли да ја преземе клупата пред почекотот на квалификациите за СП.
Без разлика дали ќе успее да ја однесе селекцијата на Кина на следното СП, темпераментниот стратег секако ќе ги добие сите 34 милиони евра според двегодишниот договор, а при евентуален успех, соработката ќе биде продолжена. На Кинезите очигледно не им смета неуспехот на Сампаоли кој го имаше со репрезентацијата на Аргентина за време на СП во Русија.
