Сампдорија го ослободи од обврските досегашниот тренер Марко Џампаоло. Сезонава тимот од Џенова освои само два бода во осум кола во Серија А, уште не знае за победа, а со денешниот пораз дома од новиот прволигаш Монца со 0-3 го допреа дното.
Самп има четири порази по ред и клупското раководство немаше друг избор освен да му се заблагодари на Џампаоло и да почне да бара нов шеф на стручниот штаб.
Како главни фаворити за преземање на тренерското место во Сампдорија се Клаудио Раниери и Роберто Д‘Аверса, а додека да биде најден нов тренер, функцијата привремено ќе ја врши Феличе Туфано од младинскиот тим на Самдорија.
