Поранешниот голгетер на Барселона и на Интер, а сега претседател на Фудбалската федерација на Камерун, Самуел Ето, и покрај елиминацијата на својата репрезентација, остана да ги следи натпреварите на Светското првенство во Катар и предизвика скандал.
Имено, по осминафиналниот натпревар Бразил и Јужна Кореја, додека го напушташе стадионот придружуван од обезбедувањето, на легендарниот фудбалер му пријдоа голем број навивачи за да се фотографираат, а едно лице доби удар со колено во главата.
На видеата кои се појавија на социјалните мрежи се гледа како човек со камера го снима движењето на Ето, а не се знае дали тоа е навивач, новинар или нешто друго.
Исто така, непознато е дали имало некакви провокации, но во еден момент Ето почна да го брка човекот со камера по паркингот.
Обезбедувањето реагирало експресно, му ја одзеде камерата на човекот, а Ето беше задржан на дистанца од него, но поранешниот напаѓач успеа да се ослободи и го удри со колено во главата.
🚨 Samuel Eto'o attacked a young man last night before the match between Brazil and South Korea. 😳
(🎥 @partidazocope)
— Transfer News Live (@DeadlineDayLive) December 6, 2022
