Фудбалерот на Анталијаспор, Назим Сангаре, вечерва на дуелот од турската лига помеѓу неговиот тим и Анкарагучу, го постигна веројатно еден од најубавите голови што се видени сезонава. Сангаре во 30 минута со вистински слалом и серија дриблинзи се прошета низ одбраната на гостите, и ја упати топката под пречка, постигна гол кој дефинитивно му е најубав во кариерата и би требало да биде кандидат за наградата „Пушкаш“ која ја доделува ФИФА.
За жал на Сангаре, спектакуларниот гол беше постигнат на меч на кој неговиот тим загуби (десетти пореаз за нив сезонава), а стрелецот при прославата доби жолт картон, па нема да игра против Галатасарај во следното коло. Гостите од Анкара славеа со 4-2. Првите пет гола паднаа во незаборавното прво полувреме, а четвртиот гол за Анкарагучу беше постигнат во 96 минута. Анкарагучу немаше победа на гости од 28 октомври, кога во Истанбул го совлада Фенербахче.
Погледнете го голот на играчот на Анталијаспор:
https://twitter.com/i/status/1101548738680680449
