Грузискиот селектор Вили Сањол на денешната прес-конференција изјави дека според него, Македонија била најдобриот тим во групата пред почетокот на натпреварите и фаворит за прво место во групата.
„Македонија играше на Европско првенство, има одлична група фудбалери.
Не само што играа на ЕП, туку тоа е тим кој ја исфрли една Италија од учество на следното Светско првенство. Затоа велам дека тоа е репрезентација која во последните две години направи одлични резултати.
Но, сега ние сме лидери во групата, сами одлучуваме за првото место и ќе бидеме многу разочарани ако не успееме да завршиме први. Не смееме да го започнеме мечот со мисла дека ни треба бод за прво место“, вели Сањол.
