Трансферот на Марцело Брозовиќ во Ал-Наср стана вистинска сапуница, но никако да се реализира истиот и Хрватот да му стане соиграч на Кристијано Роналдо.
Сапуницата започна откако Интер и Ал-Наср ја договорија отштетата од 23 милиони евра, но Брозовиќ не сакаше да се пресели во Саудиска Арабија. Тој се надеваше на трансфер во Барселона, па поради тоа во Загреб им бегаше на претставниците на Ал-Наср одбивајќи да се сретне со нив.
Откако седна на преговарачка маса, Брозовиќ ја одби понудата бидејќи малки му беа 20 милиони евра по сезона. Саудијците ја зголемија понудата, 90 милиони евра за три години и десет милиони бонус за потпис на договорот, што беше доволно за Брозовиќ да ја прифати понудата.
Но, следниот ден, Интер се повлече од преговорите бидејќи Ал-Наср наместо 23 милиони, им понудил 15 милиони евра отштета. Во текот на денот, двата тима најдоа заеднички јазик, 18 милиони евра отштета.
Денеска пак нова информација, Интер му постави ултиматум на фудбалерот. Мора до крајот на денот да потпише договорот или ќе пропадне неговиот трансфер во Ал-Наср.
