Новиот тренер на италијанскиот шампион Јувентус, Маурицио Сари, првата новина која ќе ја внесе во тимот е тоа што главната ѕвезда Кристијано Роналдо, веќе нема да го користи како крило, туку како централен напаѓач. Сари смета дека Португалецот не треба многу да се троши трчајќи напред-назад покрај аут линијата.
Сари смета дека Роналдо е најопасен кога е во врвот на нападот, и во Јуве ќе му даде улога на класична „деветка“. Тој го информирал и лично фудбалерот кој е на одмор во Грција.
Ова ќе значи дека клубот речиси сигурно ќе го продаде Марио Манџукиќ кој би станал непотребен и резерва на незаменливиот Роналдо, а допрва треба да се донесе одлука што ќе се прави со Гонзало Игуаин. Сари нема ништо против Аргентинецот да остане во Јуве, но прашање е дали популарниот Пипита ќе сака да грее клупа.
