Јувентус речиси го комплетираше составот за новата сезона и сега останува тренерот Маурисио Сари да направи тактика која ќе биде победничка за најтрофејниот италијански клуб. Прва ѕвезда во тимот останува Кристијано Роналдо, кој во новата сезона нема да игра како вистински напаѓач.
„Кристијано Роналдо ги освои сите индивидуални и колективини награди кога играше во нападот. Првата замисла ми е да игра на таа позиција, но знаејќи го неговиот квалитет, нема да биде проблем и ако го вратам 10-тина метри поназад“, рече Сари, кој дебито на клупата треба да го има утре, на пријателски меч против Тотенхем.
Осум сезони по ред Јувентус е првак во Серија А, но сепак главна цел на клубот е да стигне до титулата во Лигата на шампиони, која ја чекаат повеќе од две децении. Во првата сезона како играч на Јувентус, освен на Скудетото, Роналдо се радуваше и на трофејот во Суперкупот на Италија.
