Еден стар лисец и тројца талентирани момци кои се гладни за пехари – Е најдобар опис на завршницата на АТП шампионатот кој се одржува во Лондон. Роџер Федерер, Александер Зверев, Стефанос Циципас и Доминик Тим се тенисерите кои се пласираа во полуфиналето и ќе се борат за последниот трофеј во оваа сезона.
Германецот ќе се обиде да ја одбрани титулата, Федерер е во атак на седми успех на овој турнир, додека Гркот и Австриецот ќе сакаат да остават белег и на убав начин да ја завршат 2019 година.
Стефанос Цисипас – Роџер Федерер (15 часот)
Стариот лисец може по 11-ти пат да се пласира во финалето доколку биде подобар од непријатниот грчки тенисер. Федерер шестпати го освојувал овој турнир, што значи дека знае како треба да одигра во овој, нормално дека искуството ќе му биде најсилен адут. Сепак, на спротивната страна од мрежата ќе стои Циципас, кој со победите над Медведев и Зверев од 2-0 покажа дека не треба веднаш да биде отпишан, иако му е прво појавување на финалниот АТП турнир.
Двајцата тенисери годинава се сретнаа четирипати, а Федерер славеше во три средби. Единствената победа на Циципас е на тврда подлога, ја оствари во осминафиналето на ОП на Австралија со 3-1, додека му се брои официјална победа од турнирот во Рим бидејќи Швајцарецот се предаде без борба.
Според коефициентите на Sport Life, Федерер е благ фаворит и негова победа носи 2.60 квота, додека триумф во корист на Циципас е точно 3 квота.
Доминик Тим – Александер Зверев (21 часот)
Зверев вчера го совлада Медведев и се пласираше во полуфиналето, иако пред тој меч Надал се гледаше како полуфиналист. Првиот светски рекет остана без шанса да освои уште еден трофеј пред да заврши 2019 година, но затоа Германецот се избори да го брани пехарот кој го освои лани.
Тим можеби е прв фаворит за освојување на титулата бидејќи во групната фаза ги надигра и Федерер и Ѓоковиќ, за потоа да загуби од Беретини несакајќи да троши сили. Ова ќе му биде осма пресметка против Зверев, но на тврда подлога немаат играно од февруари 2017 година. Австриецот се радуваше во пет од вкупно седум меѓусебни дуели, но тој учинок нема да важи од моментот кога првпат ќе стапнат на теренот.
Тим и Зверев имаат подеднакви шанси за пласман во финалето, квотата за „кец“ е 1.75, додека „двојката“ носи 1.78 квота според Sport Life.
