Сасуоло брзо го нокаутира Интер, најмногу се радува Милан (Видео)

Сасуоло приреди голема сензација во Италија и го победи шампионот Интер на „Џузепе Меаца„ со головите на Распадори и на Скамака.

Двајцата репрезентативци на Италија погодија по еднаш во осмата, односно 26. минута и потоа Сасуоло успеа да ја задржи предноста и да го победи шампионот.

Интер се спаси и од 0:3 во финишот на првото полувреме, откако третиот репрезентативец на Аѕурите од редовите на Сасуоло, Доменико Бердарди ја погоди пречката.

Во второто полувреме домаќините напаѓаа, имаа инцијатива, но не го избегнаа поразот, на кој најмногу му се радува Милан, секако покрај Сасуоло.

Де Фрај постигна гол за домаќините во последните моменти од мечот, но беше поништен поради игра со рака на Димарко.

Интер со победа имаше шанса да се врати на врвот на табелата, но остана на второто место, сега со 54 бода, два помалку од Милан, кој е лидер во Серија А, по 26 кола.