Поранешниот фудбалер на Баерн Минхен и на Реал Мадрид, Паул Брајтнер, упати сериозни критики на сметка на Нејмар, кој минатата недела потпиша за саудискиот Ал-Хилал.
„Ви благодарам драги Саудијци што го купивте господинот Нејмар, фудбалер кој во својот арсенал има многу трикови. Еден од најдобрите фудбалери на светот е познат по својата глума, тој е преварант. Морам да им се заблагодарам на Саудијците што повеќе не морам да го гледам во Европа“, изјави Брајтнер.
Поранешниот фудбалер кој со Германија во 1974 година триумфира на Светското првенство, исто така смета дека носењето големи ѕвезди во Саудиска Арабија нема многу да му помогне на фудбалот во оваа земја.
„Не верувам дека носењето фудбалери како Кристијано Роналдо, Нејмар, Карим Бензема, Садио Мане и останатите ќе донесе голем бенефит за саудискиот фудбал“, додаде Нејмар.
