Напаѓачот на Ливерпул Мохамед Салах би бил идеален за да биде дел од професионалната лига во Саудиска Арабија, но тенденцијата е да се привлекуваат многу помлади играчи, открива министерот за спорт во оваа земја, принцот Абдулазиз бин Турки Ал-Фејсал.
Салах беше еден од главните адути да замине во Саудиска Арабија, но египетскиот голгетер потпиша нов договор со Ливерпул и ќе остане на „Енфилд роуд“ до 2027 година.
„Тој е суперѕвезда. Тој е иконски арапски муслиман. Тој одговара на идентитетот на фудбалер во саудиската лига“, рече Ал-Фајсал, зборувајќи за египетскиот репрезентативец пред почетокот на Големата награда на Саудиска Арабија во Формула 1.
“Мислам дека од првиот ден го поврзуваа со Саудиска Арабија, иако немаше никакви дискусии. Но, добро е да има такви работи, знаете. Сега можете да видите дека секој играч кој сака да го обнови својот договор, се вели дека доаѓа во Саудиска Арабија. Повеќето од тоа, 90% од тоа, не е точно”, додаде тој.
Министерот коментираше дека клубовите во последно време повеќе се фокусираат на младите. Претходно експанција се случи до доведување на суперѕвезди кои се на залез на кариерата како што се Кристијано Роналдо во Ал Наср (40), Карим Бензема во Ал Итихад (37) и поранешниот соиграч на Салах од Ливерпул, Садио Мане (33), исто така во Ал Наср.
„Саудиските фудбалери сега се порешителни, подисциплинирани на тренинзите бидејќи знаат дека секој викенд ќе се соочуваат со врвни играчи и мора да бидат подготвени“, изјави Ал-Фајсал.
