Англија вторпат по ред ќе игра во финалето на Европското првенство откако со пресврт ја елиминира Холандија. Шанса за поправен за изгубеното финале против Италија во 2021 ќе имаат против Шпанија во недела.
Селекторот на Англија, Герет Саутгејт, е задоволен од пласманот во финалето, но вели, противникот има ден повеќе за одмор.
„Посебна ноќ за нас и верувам посебна за сите кои нѐ гледаа од дома. Мислам дека нашиот настап беше добар. Знаевме дека Холандија има многу квалитети, па нѐ казнија како што тие знаат, но имаше уште многу време за игра. Нашиот среден ред, посебно Фоден, беа клучни за пронаоѓање на простор и моравме постојано да менуваме. Букајо заврши голема работа. Запчна како бек, а играше и како крило, ова беше вечер во која сите мораа да бидат флексибилни. Задоволен сум како играа Фоден и Кејн. Имаме добра клупа, имавме свежина и знаевме дека Оли може да направи хаос по страните. Финалето е она по кое дојдовме тука и тоа го градевме две години. Сега мора да уживаме, но утрото менува сè, а ние имаме еден ден помалку за одмор од екипата која покажа најмногу на овој турнир,“, рече селекторот на Англија, Герет Саутгејт, по победата над Холандија.
