Репрезентацијата на Англија е пред нов финален предизвик, откако на претходното Европско првенство загуби од Италија на пенали и не стигна до трофејот. Утревечер во Берлин, селекторот Герет Саутгејт и фудбалерите ќе имаат нова шанса да влезат во историјата и да станат бесмртни, доколку ја победат Шпанија.
„Претходниот пат не успеавме да го освоиме финалето. Знам дека од резултатот зависи како другите ќе нè перцепираат. На минатите натпревари набилдавме самодоверба. Начинот на игра на Шпанците е јасен: тие се сплотени, интензивно притискаат и одлично ја владеат топката. Ние мора да бидеме совршено организирани за да им се спротивставиме. Сега сме во финалето и сакаме да го направиме чекорот што не успеавме пред три години“, изјави Герет Саутгејт на прес – конференцијата во Берлин.
„Го очекуваме последниот предизвик со нетрпение. За мене е чест да ги тренирам овие фудбалери и сум горд на сè што постигнавме заедно“, истакна англискиот селектор.
Финалниот меч меѓу Англија и Шпанија се игра утревечер (21 часот) на Олимпискиот стадион во Берлин.
