Саво Милошевиќ е нов тренер на култниот Железничар, потврди клубот од Грбавица.
Искусниот фудбалски стручњак ќе го преземе кормилото на Жељо со цел стабилизирање на резултатите, зацврстување на тактичкиот идентитет и градење на победничка култура во согласност со традицијата и амбициите на клубот.
Милошевиќ зад себе има богато меѓународно искуство како играч и тренер. Во текот на тренерската кариера водеше реномирани клубови и репрезентации, а е познат по јасна тактичка дисциплина, силен авторитет во соблекувалната и посветеност на развојот на млади играчи.
Саво Милошевиќ во богата играчка кариера настапуваше за Партизан, Астон Вила, Сарагоса, Парма, Еспањол, Селта, Осасуна и Рубин Казан. По завршувањето на играчката кариера во 2009 година, беше советник во Фудбалскиот сојуз на Црна Гора, а потоа директор и потпретседател на ФС Србија.
Првиот тренерски ангажман го имаше во Партизан, каде во една и пол сезона освои Куп, а потоа ги водеше и Олимпија Љубљана и репрезентацијата на Босна и Херцеговина. На крајот од 2024 година повторно го водеше Партизан, а последниот ангажман го имал во иранскиот Насажи.
