Ентони Џошуа има три појаси светски првак во тешка категорија и вели дека е подготвен да боксува и против Дионте Вајлдер и со Тајсон Фјури, а им испрати и порака.
„Не знам зошто будаливе чекаа толку долго. Подготвен сум за борба кога сакате. И тоа се однесува на двајцата“, објави на „Твитер“ англискиот шампион.
Веднаш по борбата меѓу Вајлдер и Фјури, и двајцата во рингот му испратија порака на Џошуа дека се плаши да се соочи со нив. Особено темпераментен беше неговиот сонародник Фјури, кој изјави дека Џошуа е кукавица и дека се крие.
Вајлдер по нерешениот резултат со Фјури, остана светски првак, но за да се обединат сите релевантни појаси, ќе треба да го победи Џошуа.
Амбиции да ги обедини сите признанија во рингот има и Фјури, но тој прво сака реванш со Вајлдер, па потоа и бокс-меч со Џошуа.
