Се јави фудбалерот на Рома кој беше нокаутиран од момчето кое собира топки (Видео)

Резервниот лев бек на Рома, Рикардо Калафиори, синоќа во Амстердам доби шанса да заигра во четвртфиналето на Лига Европа против Ајакс, а бидејќи римскиот тим водеше со 2-1, младиот Калафиори задржуваше време и тоа го налути едно од момчињата кои ги добираат топките покрај теренот, силно фрлајќи ја топката кон Калафиори и го удри под вратот.

„Помислив на многу нешта и сакав да направам многу работи во тој момент, но за среќа останав смирен и успеав да се соземам и да се приберам. И јас би бил иритиран ако некој задржува време, го сфаќам момчето, но не можам да го оправдам тоа што го направи“ – изјави Калафиори кој наместо кон топката која му беше поблиску, тргна кон подалечната, за да помине повеќе време.

Интересно е што Калафиори се фати за лице и гестикулираше кон судијата Сергеј Карасев, но доби жолт картон.

- Оглас -

Најнови вести