УЕФА се огласи во врска со поништениот пенал на напаѓачот на Атлетико Мадрид, Хулијан Алварес, на вчерашниот натпревар во Лигата на шампионите против Реал.
Ударот на Аргентинецот, кој имаше клучна улога во конечната одлука за пласман во четвртфиналето на елитното клупско натпреварување во Европа, предизвика многу полемики. Дали Хулијан двапати ја допре топката пред да заврши под гредата на голот на Тибо Куртоа или не?
Во Атлетико се револтирани и нивниот правен тим работи анализирајќи го секој детаљ за да го искористат во нивна корист.
💣🚨 BREAKING – UEFA OFFICIAL STATEMENT:
— Atletico Universe (@atletiuniverse) March 13, 2025
“Atlético de Madrid enquired with UEFA over the incident, which led to the disallowance of the kick from the penalty mark taken by Julián Alvarez at the end of yesterday’s UEFA Champions League match against Real Madrid.
Although… pic.twitter.com/QW8KHId9pB
Меѓутоа, УЕФА уверува дека дошло до прекршување на правилата на играта.
„Играчот остварил контакт со топката со својата приземна нога пред да ја удри, како што е прикажано во приложеното видео. Според моменталните правила (Правила на игра, Правило 14.1), ВАР требаше да го повика судијата да укаже дека голот треба да се поништи“, се наведува во соопштението.
Европската фудбалска куќа ќе продолжи да разговара со ФИФА и ИФАБ за да утврдат дали правилото треба да се прегледа во случаи кога двојниот допир е очигледно ненамерен.
