Европската фудбалска федерација (УЕФА) ги демантира информациите кои се појавија денеска и во кои се споменува дека Европската куќа на фудбалот размислува да му ја одземе на Истанбул организацијата на финалниот натпревар во Лигата на шампионите.
„По неточните и медиумски написи, УЕФА сака да го разјасни ставот за финалето во Лигата на шампионите 2023 година. Финалето во Лигата на шампионите 2023 година ќе се одржи во Истанбул, како што е планирано, на 10 јуни. УЕФА не води разговори со ниту една политичка институција, влада или фудбалска федерација за евентуално одземање на организацијата“, објави УЕФА.
Денеска дел од медиумите објавија дека УЕФА размислува на Истанбул да му ја одземе организацијата на финалето во ЛШ поради стравот од немири поради претседателските избори во Турција.
