Профилот на дефанзивецот Дани Алвес повторно се појави во рубриката за легенди на Барселона на официјалниот сајт на каталонскиот клуб.
Претходно се појави информација дека Алвес исчезнал од делот кога се наведени иконите во историјата на Блауграната. Се веруваше дека тоа се должи на фактот што Бразилецот беше прогласен за виновен за сексуален напад и осуден е на 4,5 години затвор.
Откако веста дека Барселона го исклучила Алвес од листата на клупски легенди се прошири низ светските медиуми, профилот на играчот повторно се појави.
Алвес играше за Барселона од 2008 до 2016 година и од 2021 до 2022 година, забележа 408 настапи за Каталонците (22 гола и 105 асистенции) и освои 23 трофеи.
