Барселона мора да продаде неколку фудбалери за да може да регистрира нови засилувања, вклучувајќи ги Жоан Гарсија, Војчех Шченсни и Маркус Рашфорд. Иако Марк-Андре тер Штеген и Андреас Кристенсен беа посочувани како главни кандидати за заминување, засега нема конкретни чекори во таа насока.
Наместо нив, се појавија нови имиња како потенцијални заминувања, меѓу кои и Марк Касадо. Барселона го проценува Касадо на околу 30 милиони евра, а верува дека неговата продажба би ѝ овозможила на клубот да ги регистрира гореспоменатите фудбалери во Ла Лига.
За младиот дефанзивен играч за врска има интерес од неколку клубови од Премиер лигата, а според каталонскиот „Спорт“, интерес покажува и Атлетико Мадрид.
Тренерот на Атлетико, Диего Симеоне, е голем обожувател на Касадо, а по заминувањето на Родриго де Пол во Интер Мајами, се отворил простор за нов играч во средниот ред. Инаку, Атлетико претходно летово го доведе Џони Кардосо од Бетис.
