Шпански „Ел Национал“ носи интересна информација за трансфер кој би требало да се случи веќе во јануарскиот преоден рок. Договорот на Антонио Ридигер и Реал Мадрид истекува во јуни, па германскиот репрезентативец ќе биде слободен фудбалер, но се чини „кралевите“ во последен момент можеби и ќе заработат нешто.
Вредноста на Ридигер во моментов е само 12 милиони евра, а за него интерес има од актуелниот освојувач на Лигата на шампионите, ПСЖ.
„Светците“ се надеваат дека ќе го добијат германскиот дефанзивец за ниска сума, со оглед на неговата вредност, но и фактот дека налето ќе биде слободен фудбалер.
Антонио Ридигер пристигна во Реал Мадрид летото 2022 година од Челзи како слободен фудбалер и се профилираше како една од најважните алки во одбраната на „кралевите“. Германецот освен за Реал и Челзи, во својата кариера настапуваше и за Штутгарт и Рома.
