Претседателот на Барселона, Жоан Лапорта, денеска имал состанок со агентот Пини Захави, на кој наводно било зборувано за тренерот кој треба да го предводи каталонскиот тим од следната сезона, а тоа е Ханси Флик.
Каталонските медиуми денеска објавија фотографии од состанокот, и иако не се објавени детали од истиот, медиумите се убедени дека Захави сакал да го убеди Лапорта дека Флик е идеалното решение за Барселона.
https://twitter.com/barcaxtra1/status/1767258572818088438
За тоа колку Флик е блиску до преземање на клупата на Барселона, најдобро покажуваат информациите кои исто така ги објавија каталонските медиуми, дека Германецот отпатувал во Манчестер на разговор со менаџерот на Граѓаните, Хосеп Гвардиола, со цел што подобро да се информира за каталонскиот тим и предизвикот кој го очекува.
❗Joan Laporta met with Pini Zahavi in Barcelona today. Zahavi is the agent of Hansi Flick and Lewandowski.
— @mundodeportivo pic.twitter.com/007LOSWJ2R
— Barça Universal (@BarcaUniversal) March 11, 2024
На средбата, Флик го информирал Пеп дека сака негов помошник да му биде Доминик Торент, кој беше дел од стручниот штаб кога Гвардиола ја предводеше Барселона.
Каталонските медиуми се убедени дека наскоро, Лапорта и официјално ќе објави дека Ханси Флик од следната сезона ќе биде тренер на Барселона.
