Додека го носеше дресот на Челзи, Еден Азар беше еден од најдобрите фудбалери во светот. Кога Белгиецот направи трансфер во Реал Мадрид, ситуацијата тргна на лошо за фудбалерот.
Многуте повреди и отсуства беа причина за драстичен пад на формата на Азар, кој полека падна во заборав кај Кралевите. Азар се согласи летово да си замине од Реал Мадрид и засега нема нов клуб.
Според последните шпекулациите, Кристал палас е клубот кој може да му понуди соработка на Азар и едногодишен договор. Азар уште има проблеми со повредите, но овој премиерлигаш е подготовен да ризикува и да се обиде да го врати офанзивецот во формата во која беше препознатлив кога играше во Англија.
Освен во Кристал палас, шпекулациите се и тоа дека Азар може да замине во МЛС-шампионатот во САД. Азар има одлични спомени од играњето во англискиот Челзи, каде што во 352 натпревари постигна 110 голови, а имаше и 92 асистенции.
View this post on Instagram
