Арсенал ќе игра против Вилјареал во полуфиналето на Лигата на Европа, а Англија ќе има уште еден учесник во завршницата, Манчестер јунајтед, екипа што ќе игра двомеч за финале против Рома.
Вечерва во реванш-дуелите од четвртфиналето, Арсенал беше најубедлив и ја торпедира Славија во Прага со 4:0, по лондонските 1:1 на првиот меч.
Во продолжението Лаказет го постигна и вториот гол на мечот за убедливи 0:4 во Прага.
https://twitter.com/CompleteSport24/status/1382795533480300545?s=20
Противник ќе им биде Вилјареал, екипа што по вторпат го победи Динамо вечерва на домашен терен со 2:1.
Аријан Адеми и Стефан Ристовски не успеаја со Динамо да ја анулираат негативата од 0:1 од првиот меч. Алкасер и Морено со голови во првиот дел ги разрешија сите дилеми околу патникот во завршницата, а најубавиот гол на мечот по асистенцијата со петица на Петковиќ го постигна Оршиќ за гостите.
Манчестер јунајтед исто така со две победи и вкупен резултат од 4:0 против Гранада се пласира во полуфиналето. Вечерва Единсон Кавани беше стрелец во шестата минута, а Валјехо си постигна автогол во 90-тата за нова победа од 2:0 на Црвените ѓаволи.
https://twitter.com/MoneyTeamFTWin/status/1382777986609520643?s=20
Најинтересно беше во Рим, каде што Рома успеа да ја одбрани предноста од Амстердам од 2:1 од првиот меч против Ајакс и со реми 1:1 ќе му биде ривал на Манчестер јунајтед на патот до финалето во Гдањск, закажано за 26. мај.
