Со еден ден задоцнување поради невреме во Буенос Аирес, вечерва се игра најголемото дерби во Јужна Америка, веројатно и на планетата меѓу Бока јуниорс и Ривер Плата, а по првиот дел домаќините водат со 2:1.
Легендарниот стадион на Бока, „Ла Бомбоњера“ се тресеше под притисокот на домашните навивачи, а кулминација имаше во 34. минута кога Абилја погоди за предност од 1:0.
Но, домаќините како да заспаа по голот, а тоа го искористи Прато и веднаш во следниот напад израмни на 1:1. Уште еден „земјотрес“ за огромна радост на навивачите на Бока се случи во 46. минута, кога Бенедето ја врати предноста на домаќините за 2:1 по првиот дел.
Според договорот на двата клуба во првото нивно финале во Копа Либертадорес, гостинските навивачи не се присутни на „Ла Бомбоњера“, а нема да ги има ниту на „Монументал“ на 24. ноември во реваншот, кога Ривер ќе биде домаќин.
The atmosphere at the #CopaLibertadores final first leg 😍
🎥 Via @BocaJrsOficial #BocaRiverpic.twitter.com/8cHcV2UzcA
— Ladbrokes (@Ladbrokes) November 11, 2018
