Мароканецот Брахим Дијас синоќа испиша историја како прв поранешен фудбалер на Манчестер сити кој им дал гол на Граѓаните во Лигата на шампионите, а со тој погодок Реал Мадрид изедначи на 2-2 и го најави пресвртот и конечната победа од 3-2.
Дани Себаљос, кој беше стартер и беше заменет со Лука Модриќ по направениот пенал со кој Англичаните поведоа со 2-1, ќе беше трагичар на Кралскиот клуб ако загубеа на „Етихад“. Вака Брахим и Џуд Белингам донесоа голема радост за Реал, а благодарност упати и Себаљос со коментар на „Инстаграм“.
Под една објава на Брахим, Себаљос напиша забавен коментар: „Ти благодарам што ме спаси од неиграње во следните два месеца“, пропратено со емотикон солзи од смеење.
