Шкупи не успеа по вторпат да го изненади Динамо Загреб и македонскиот првак е елиминиран од квалификациите од Лигата на шампионите.
„Во двата меча со Динамо бевме рамноправни. Им реков на играчите да бидат сконцентрирани во првите неколку минути и криво ми е што баш тогаш примивме гол. Јас сум горд на моите момци, им реков дека треба да бидат со кренати глави. Ни се повредија двајца клучни играчи и тоа беше дополнителен проблем за нас. На Динамо му посакувам да влезе во групите од Лигата на шампионите. Динамо победи на искуство”, рече тренерот на Шкупи, Гоце Седлоски, како прв впечаток по мечот.
