Бразил е единствената репрезентација што водела со 1:0 во продолженија во нокаут меч на Мундијалите и била елиминирана, а Кариоките сега знаат зошто 13-та е баксузна бројка.
Против Хрватска денеска во првото четвртфинале, Бразилците беа 13-та селекција што водела со 1:0 со гол во продолженијата од двапати по 15 минути и прва од сите нив што не успеала предноста да ја преточи во пласман понатаму.
Претходно сите 12 селекции низ историјата на Светските првенства што воделе со 1:0 со гол во продолженијата успеал да се изборат за настап во следната фаза.
13 – Brazil were the 13th side to go 1-0 up in extra-time of a World Cup knockout stage match, but the first of those 13 to be eliminated. Unlucky. pic.twitter.com/93rNHxzUdv
— OptaJoe (@OptaJoe) December 9, 2022
Бразил поведе против Хрватска со голот на Нејмар во последната минута од првото продолжение, а Коцкестите израмнија во 117. минута и потоа го елиминираа петкратниот светски првак во пенал-рулетот.
Тие ќе играат во полуфиналето на Мундијалот во Катар, против подобриот од второто четвртфинале што почна од 20 часот.
