Бразил и Аргентина во јуни ќе го одиграат мечот од квалификациите за пласман на Мундијалот во Катар, што е еден од најчудните во историјата, а во првиот обид траеше само пет минути.
Во септември лани во Сао Пауло се случи невиден преседан. Претставници на бразилските здравствени власти од агенцијата „Анвиса“ влетаа на терен со полиција за да уапсат четворица репрезентативци на Аргентина кои ги прекршија строгите протоколи и допатуваа во Бразил од Англија.
Играчите на Аргентина се спротивставија на неразумниот чин и не дозволија голманот Мартинес и играчите Ромеро, Ло Селсо и Буендија да бидат уапсени.
Мечот беше прекинат во петтата минута и сега според информациите, ќе се одигра во јуни годинава на друг континент.
The World Cup qualifying match which was stopped after 5 minutes between Argentina and Brazil is set to be played in the middle of June. The match will not be in Brazil, possibly in another continent. Official announcement expected on February 9, next week. This via TyC Sports. pic.twitter.com/ltmZhCG3Hw
— Roy Nemer (@RoyNemer) February 2, 2022
Сега и ќе има ревијален карактер како загревање за настапот на Мундијалот во Катар во ноември и декември годинава бидејќи Бразил и Аргентина веќе се пласираа на Светското првенство во јужноамериканските квалификации.
На 9 февруари се очекува конечната одлука за тоа кога точно и каде ќе се одигра нов меч меѓу Бразил и Аргентина.
