УЕФА одлучи од оваа сезона да го смени форматот во Лигата на шампионите, ја нема веќе групната фаза, туку сите 36 тима заедно се во една лига и борбата за влез во нокаут-фазата трае подолго, но од друга страна, има и поголеми разлики во квалитетот и често се случуваат резултати со убедливи победи на фаворитите.
На стартот на сезонава и за првпат имавме ситуација еден тим да постигне 9 гола, а синоќа во првата половина од петтото коло дури пет меча завршија со три или повеќе голови разлика. Имаше тимови кои победуваа со 6-0, 6-1, 5-0, 5-1 и 3-0.
Вакво нешто поретко се случуваше со стариот формат. Во целата претходна сезона се одиграа 125 меча, а само на 11 некој тим победуваше со три гола разлика или поубедливо.
Оваа сезона досега се одиграа 81 меч, а дури на 27, што е една третина, имаше победи од три или повеќе гола разлика.
