Македонската фудбалска репрезентација во полна пареа ги одработува подготовките пред септемвриските предизвици. Нашата најдобра селекција прво ќе одигра контролен меч против Саудиска Арабија во Прага на 4 септември, а три дена подоцна следува и дуелот од квалификациите за пласман на Светското првенство 2026 година против Лихтенштајн во Скопје.
Селекторот Благоја Милевски внимателно го следи секој потег на фудбалерите на тренинзите и сигурно ја подготвува тактиката за нови успеси на Македонија.
Денеска националниот тим треба да се комплетира со доаѓањето на Дарко Чурлинов и Елиф Елмас, двајцата фудбалери кои вчера потпишаа договори со новите клубови, па сега може стоостотно да се фокусираат на репрезентативните обврски.
