Бразилскиот селектор Тите го изостави Ренан Лоди од составот за следните мечеви на Кариоките затоа што играчот на Атлетико Мадрид не е вакциниран со две дози за заштита од корона-вирусот.
„Лоди го загуби местото во националниот тим затоа што не е вакциниран“, рече Тите по објавувањето на списокот за мечевите против Еквадор и Парагвај.
🇧🇷Brazil manager Tite has dropped Atletico Madrid left-back Renan Lodi from his squad because he didn’t get vaccinated in time.
He said: “Renan Lodi could not be summoned due to the non-vaccination. He lost the opportunity to compete.” pic.twitter.com/RVBYCnj0cT
— Sam Street (@samstreetwrites) January 13, 2022
„Сите треба да знаат дека вакцинацијата е друштвена одговорност. Јас сум одговорен за моето семејство. Немам родители, но ако имав, ова ќе беше начин на кој ќе сакав да ги заштитам. Лоди самиот е виновен што го загуби местото во селекцијата“, додаде Тите.
Лоди пред три дена ја прими првата вакцина против корона-вирусот и едноставно нема време кога да биде ревакциниран пред почеток на дуелите со Еквадор и Парагвај. Играчот на Атлетико има 15 настапи за бразилската селекција.