Селекторот на САД, Маурисио Покетино, планира во подготовките за настап на Светското првенство да работи само со 26-те играчи кои би биле дел и од планетарниот собир на кој тие се ко-домаќини. Покетино вели дека не сака да повика фудбалери кои подоцна ќе мора да ги исфрли од составот.
„Мислам дека од самиот почеток, ако кажете дека ова се 26-те играчи, го прифаќате тоа. Но, потоа да се вратите дома, мислам дека е посурово“, рече Покетино, еден ден пред пријателскиот натпревар против Парагвај.
Поголем состав за тренинг кампот би им овозможил на Покетино и на неговиот персонал да разгледаат потенцијални замени на лице место во случај на повреди.
„Морам да размислувам човечки, а не да бидам суров“, рече Покетино, додавајќи дека не сака кампот да стане: „Тренирате, тренирате, тренирате и си одите дома“. „Тешко е.“
Аргентинскиот стратег пред точно една година беше назначен за нов селектор на САД, а досега повика и тестираше вкупно 71 фудбалери. Сега тој има целосна слика за квалитетот на поголем дел од потенцијалните репрезентативци и останува да го направи изборот кои 26 ќе влезат во комбинација за место на Мундијалот.
Учесниците на Светското првенство во 2026 година мора да достават прелиминарен список од 55 играчи до ФИФА пред да изберат конечна група до 26. Американците веројатно ќе одиграат два пријателски натпревари пред отворањето на Светското првенство на 12 јуни во Инглвуд, Калифорнија.
По вечервашниот натпревар и натпреварот во вторник против Уругвај, американскиот тим ќе има само уште два натпревари во март пред Маурисио Покетино да го избере својот состав за претстојното Светско првенство.
