Семејството Берлускони бара партнер или купувач за италијанскиот фудбалски клуб Монца, изјави Пјер Силвио Берлускони.
Кога поранешниот италијански премиер Силвио Берлускони пред шест години ја купи Монца само за 3,2 милиони евра, тимот беше во трета лига, а веќе неколку сезони е во Серија А и вреди многу повеќе.
„Целта е да се најде некој кој заедно со нас или сам ќе може да се грижи за Монца како што ние би сакале. Фудбалот е луд свет во денешно време“, рече Пјер Силвио Берлускони, еден од акционерите и член на управниот одбор.
Гласините за можна продажба на Монца од страна на семејството Берлускони се интензивираа по смртта на поранешниот премиер во јуни 2023 година. Сезонава Монца има лоши резултати, 19-та е на табелата и им се заканува испаѓање.
