Најдобриот француски фудбалер Килијан Мбапе, летото сврте нов лист во кариерата, откако реши да си замине од Пари Сен Жермен и кариерата да ја продолжи во Реал Мадрид. Иако си заминува од францускиот фудбал, Мбапе веројатно ќе остане дел од француските лиги, затоа што неговото семејство е во процедура за купување еден второлигаш.
Се работи за екипата на Кан, која минатата сезона заврши на шестото место во втора лига и само за еден бод не успеа да биде дел од доигрувањето за пласман во Лига 1. Тимот од Нормандија моментално е во сопственост на американската компанија „Oaktree Capital Managment“, која во своја сопственост го има и италијанскиот гигант Интер.
Американците решија да се повлечат од Кан, а сериозен кандидат за пресемање на контролниот акциски пакет е фирмата која е во сопственост на мајката на Килијан Мбапе.
Кан е клуб чиј дрес во минатото го носеле голем број на познати фудбалери како што се Нголо Канте, Вилијам Гала, Стивен Ензонзи, Рафаел Гереро, Томас Лемар…
