Сенегалците се очајни и ќе го повлечат последниот можен потег според нив за да се случи чудо и најдобриот нивен фудбалер, Садио Мане, да игра на Мундијалот во Катар.
Науката и докторите се немоќни, па прогнозите се дека Мане не може да настапи во Катар, па од таборот на Сенегалската фудбалска федерација објавија дека ќе се обидат со доктори врачеви, што е вообичаена пракса во земјата.
Таа информација за „Европа 1“ ја потврди и Фатма Самоура, која е Сенегалка и е Генерален секретар на ФИФА.
„Да, ќе се обидеме со екстремни методи и со светиот врач. Не знам дали ќе има ефект, но мора да се обидеме и да веруваме во чудо. Мане мора да биде со нашата селекција во Катар“, изјави Самоура.
Мане се повреди завчера, во дуел со фудбалерот на Вердер Бремен, Амос Пипер, и потоа беше објавено дека нема да стигне да се рехабилитира навреме за настап на Мундијалот, иако Сенегалците не се откажуваат.
Сенегал е во Групата А со домаќинот Катар, Холандија и Еквадор во првата фаза на шампионатот.
