Сент Луис блус беа на прагот да се простат од плејофот, но хоекеарите кои беа прваци во НХЛ во 2019 година, пак покажаа шампионски карактер и приредија чудо во Колорадо.
Авеланш имаа предност од 3:0 против Сент Луис и ако победеа ќе се пласираа во големото финале, но гостите приредија голем пресврт и славеа по продолженија со 5:4.
Тајлер Бозак го зададе последниот удар со гол во четвртата минута од продолжението и шампионот од 2019 година остана во игра, иако и сега има негатива, односно губи со 2:3 во победи.
По мечот тренерот на гостите Крејг Берубе имаше свое шоу во соблекувалната на Сент Луис.
Берубе во 2019 година како привремен тренер на Блус успеа да приреди подвиг со тимот и да ја освои единствената титула што клубот ја има во НХЛ.
This is Chief like you've never seen him before. #WeAllBleedBlue #stlblues pic.twitter.com/QANOH6Qozu
— St. Louis Blues (@StLouisBlues) May 26, 2022
Колорадо пред повеќе од 18 илјади бучни навивачи во „Бол“ арена поведе со 3:0 и се чинеше дека веќе е финалист.
Тогаш се разбудија гостите и со три гола по ред израмнија на 3:3. Драмата продолжи и Колорадо пак поведе со голот на Мекинон, но Томас израмни на 4:4 во последната минута од регуларниот дел.
https://twitter.com/NHL/status/1529651924999577601?s=20&t=-YjqoI83FBBLzq64Ciae9A
Бозак го комплетираше големито пресврт и сега Сент Луис е домаќин на шесттиот меч и нема право на кикс до крајот на серијата, ако сака повторно да игра за пехарот во Стенли купот.
