Шпанските медиуми објавија сензационална вест дека Барселона му понудила на Лионел Меси да остане во клубот, иако веќе и официјално се простија од него, а и играчот на прес-конференција објави дека си заминува.
На веста има многу реакции, а грото од навивачите на шпанскиот гигант се гневни на раководството на клубот и порачуваат да престанат да ја срамат Барселона и да не ги лажат симпатизерите.
https://twitter.com/Laporteriabtv/status/1424878069236576257?s=20
„Ова е очајно. Треба да се навикнеме на нова ера без Меси во клубот. Тој нема да остане во Барселона, откако се прости од клубот, а и клубот од него. Тоа би било понижувачки за него. Престанете да им давате лажна надеж на навивачите и да го срамите клубот“, стои во една од многуте реакции на симпатизерите на Барселона.
Меси се уште не е заминат за Париз, па тоа ги подгреа шпекулациите дека може да се случи чудо и тој да продолжи да игра за Барселона.
Од таборот на ПСЖ тврдат дека се е готово и дека Меси ќе игра за нив. Според најновите информации денеска во 10 часот ќе биде и официјално објавено дека Лео е нов фудбалер на Светците од Париз, со двегодишен договор според кој ќе заработува по 35 милиони евра по сезона.
Lionel #Messi firmará hoy como jugador de #PSG . El club prevee anunciarlo a partir de las 10 am.
Lionel #Messi will sign today as a PSG player. The club intends to announce it from 10 am.— Veronica Brunati (@verobrunati) August 10, 2021
