Големо изненадување се случи на стартот на Мастерсот во Мајами. Давид Гофин го елиминираше Карлос Алкарас. Белгискиот ветеран го победи фаворитот со 2:1 во сетови.
Slay, David 🔥
The moment @David__Goffin stunned former champ Carlos Alcaraz for his 8th career Top-3 win! #MiamiOpen pic.twitter.com/oG8EeXw2kz
— Tennis TV (@TennisTV) March 22, 2025
Уште во првиот сет беше најавена голема борба, а Алкарас иако прв претрпе брејк, го доби сетот со 7:5. Сепак Гофин не се предаде. Во вториот сет беше доволен еден брејк за Гофин да го добие сетот со 6:4 и да израмни на 1:1.
Третиот сет започна со уште еден брејк на Гофин. Алкарас се обидуваше да се врати во игра и да го врати брејкот, но наместо тоа, на крајот Гофин освои уште еден гем на срвис на противникот и на крајот заслужено го доби и решавачкиот сет со 6:3 и се пласираше во следното коло.
