Новак Ѓоковиќ претрпе шокантен пораз во второто коло на Мастерсот во Монте Карло, беше елиминиран од Чилеанецот Алехандро Табило со 3-6, 4-6.
Табило кој е 32-ри на АТП листата, сега има биланс од 2-0 во победи против Ѓоковиќ, откако успеа да го совлада и лани во Рим, истотака на земјена подлога. При 5-3, Табило имаше меч топка и порано да го заврши мечот, но тогаш Новак на свој сервис се спаси и се избори за уште еден гејм во кој Чилеанецот беше подобар и славеше голема победа.
Сонот за 100-та титула во кариерата на Србинот заврши прерано, шансата ќе ја бара на друг турнир, но со ваква лоша форма, нема да биде лесно.
