Џордан Пул одигра сензационална партија баскет за Голден стејт против Њу Орлеанс, постигна рекорд во кариерата од 38 поени, а потсети и на незаборавниот настап на Ајзеа Томас од пред 23 години.
Пул има само 21 година, а ноќеска го повреди скочниот зглоб на почетокот на третиот период. Дотогаш имаше 24 поени, но мораше да го напушти теренот за да биде прегледан и да се увтди степенот на повредата.
Се врати по четири минути пауза и го реши победникот на мечот што го добија Воините со 125:122. Пул ги постигна последните четири поени за Голден стејт и на мечот, а успеа и повреден да даде 14 поени, или вкупно 38 што му е рекорд во кариерата.
JP FOR THE LEAD pic.twitter.com/xAkp7qW7un
— Warriors on NBCS (@NBCSWarriors) May 15, 2021
Њу Орлеанс водеше со 122:121 на 26 секунди до крајот, но немаше рецепт како да го задржи повредениот, но и брилијантен ноќеска Џордан Пул.
https://twitter.com/NBA/status/1393427016876240901?s=20
Младиот кошаркар на Воините барем за малку потсети на легендарната паррија баскет на Ајзеа Томас за Детроит пистонс во финалето на НБА против Лос Анџелес лејкерс во 1988 година.
И Томас тогаш го повреди скочниот зглоб и речиси играше на една нога, но успеа да постигне неверојатни 25 поени во една четвртина, третата од мечот, а вкупно постигна 43 поени.
